13
Егер сызықты жүйе тұрақты болса, яғни ол кез келген орнықтылық режимде
орнықты.
Сызықты стационарлы жүйенің орнықтылығы (асимптотикалық
орнықтылығы) үшін оның сипаттамалық теңдеуінің түбірлері кері нақты
бөлікке ие болуы жеткілікті. Бір ғана оң нақты бөлікке ие болса, жүйе
орнықсыз болады. Жүйе орнықтылық шегінде деп айтылады, егер нөлдік
түбір немесе жорамал бөліктер болған жағдайда. Жүйеде таза жорамал
түбірлер болған кезде тұрақты амплитудалы өшпейтін гармоникалық
тербеліске орын алады.
Іс жүзінде АРЖ орнықтылығын орнықтылық критерийлері көмегімен
анықтайды, яғни жүйенің орнықтылығын сипаттамалық теңдеудің түбірлерін
есептемей-ақ түсіндіруге мүмкіндік береді. Орнықтылық критерийін екіге
бөледі: алгебралық және жиіліктік.
Алгебралыққа Гурвиц және Раус критерийі, ал жиіліктікке Михайлов
және Найквист критерийлері жатады.
Гурвиц критерийі (буындарсыз кешігу) жүйенің параметрлері белгілі
болған жағдайда, 3 және 4 ретті жүйені зерттеуге қолайлы. Сондай-ақ, ол
орнықтылыққа қандай да бір параметрдің әсер ету тәуелділігінің
аналитикалық өрнегін алуға және критикалық күшейту коэффициентін табу
үшін мүмкіндік береді.
Раус критерийі жоғары ретті жүйенің орнықтылығын анықтау кезінде
пайдаланылады.
Михайлов критерийі тұйықталған жүйенің сипаттамалық векторының
соңын сипаттайтын, жүйенің орнықтылығын годограф бойынша түсіндіруге
мүмкіндік береді.
Кез келген орнықтылық критерийін пайдалана отыра, орнықтылықтың
шегін анықтауға болады.
Найквист критерийі көп қолданылады. Мұның себебі төменде:
3.1.1 Тұйықталған күйдегі жүйенің орнықтылығын зерттеу оның ашық
(тұйықталмаған) тізбектерінің жиіліктік беріліс функциялары бойынша
зерттеуге болады, ал бұл - көбінесе қарапайым көбейткіштерден құралады.
Жүйенің нақты параметрлері коэффициенттер болып табылады, оларды
орнықтылық шартынан таңдап алуға болады.
3.1.2 Орнықтылықты зерттеу үшін алынған нәтижелердің нақтылығын
жоғарылататын жүйенің күрделі элементтерінің жиіліктік сипаттамасын
пайдалануға болады.
3.1.3 Орнықтылықты зерттеуді логарифмдік жиіліктік сипаттамалар
арқылы зерттеуге болады, ал оларды тұрғызу аса қиынға соқпайды.
3.1.4 Орнықтылық қорын анықтау ыңғайлы, коррекциялау
құрылғыларының синтезін іске асыру.
3.1.5 Найквист критерийі және оның түрі логарифмдік жиіліктік
сипаттамасы бойынша жүйенің құрылымдық жағынан орнықсыздығы жайлы
түсіндереді.